BOLETÍN INFORMATIVO – AGOSTO 2011

DE L’ASOCIACIÓN LA BORDA

La Asamblea Extraordinaria.- Ya sabez que lo dia 23 de chulio se celebré una asamblea extraodinaria, de la que vos achuntamos l’acta, asinas como la de la primera reunión feita por la nueva chunta de gubierno de l’asociación, de lo dia 27, con lo detalle de cargos.

Omenache a Gonzalo .- Lo viernes faciemos una cena de caldereta de cordero, estando ranchero Gonzalo Martínez que, como de costumbre, acerté con lo guiso. Qué menos que, dimpués de trenta anyadas estando l’alma de “lo bar de los mozos” darli lo suyo merecíu reconocimiento, de parte de todos los socios. Raúl d’Escuret, representando las nuevas cheneracións, estié lo encargau de ferli la entrega d’una placa que rezaba, más u menos, d’esta guisa:

“A Don Gonzalo Martínez, por haber tanta constancia, de los socios de La Borda, porque en mas de trenta añadas, siempre hemos trovau la puerta más ubierta que zarrada. Muitas gracias. Agosto 2011”

(Por cierto, lo pre de la cena, a escote, ye de 10 euros, por si bi ha qui se faga lo longuis…)

Actividades en curso.- Antiparti de reorganizar l’almacén y lo bar, se son preparando sesións de divertimento.
-La primera estié ayer martes 9, un “Cuentacuentos” pa los chicotons, gracias a lo güen quefer de la nuestra consocia Tere Ubeira.
-Mañana, chueves 11, con l’aduya de l’Albergue, s’emitirá una sesión de cine, de baldes, con la obra “que se mueran los feos”.
- Antis de que s’acabe agosto habríanos a fer una fiesteta de fin de verano, como se facié otras anayas. Lo plato fuerte será un festival infantil, de la mano de pais y mais que lo leven enta deván. Li hemos demandau a Maripaz que s’ocupe d’ixa coordinación. La Borda se fará cargo de los gastos de preparación que siga menester.
Se anunciará en lo cartel d’anuncios cuando siga todo ligau…
-Fa añadas que imos dezaga de decorar una miqueta lo escenario. Sería menester que bel voluntari@ se prestase a aduyar a la chunta a mirar telas, focos, etc. Asinas como presupuesto…

OTRAS CUSTIONS

L’Ausín.- Como ye sabíu, esta fundación/patronato ha levau ta güen puerto lo suenio de devantar y meter en funcionamiento una residencia en Echo. Lis toca pa setiembre fer bel cambeo en los estatutos y tornarán a eslexir a los patronos que han que levarla enta devan. Se gubierna por 11 patronos, de los cuals 6 son eslexíus por las asociacións de la Val, amás que todas los poblacions de la val han que estar representadas. Benjamín Cajal ha representau a Siresa y a La Borda estas añadas, pero hemos a triar nuevo representante, u refirmarlo si ye conforme.
Por ixo, lo diya 12, viernes, a las 20:30 horas, Carlos Allué, puyará a explicarnos todo lo que queramos saber de l’Ausín, y eslexiremos entre todos a lo nuevo representante. Demandamos asistencia y puntuatidá… GRACIAS.

P.D.-A mirar: martes 9, cuentacuentos; miercoles10, FUTBOLItalia-España (a las 22); chuebes 11, cine QUE SE MUERAN LOS FEOS; viernes 12, REUNION DE L’AUSIN…
Seguiremos informando…