ACTA DE LA CHUNTA DE GUBIERNO DE LA ASOCIACION LA BORDA

celebrada lo diya 27 de chulio de 2011, seguntes l’orden siguient:

1.- Elección de cargos de la nueva chunta
2.- Designación de firmas autorizadas en bancos.
3.- Normativa interna
4.- Propuestas de actos a corto y medio plazo

S’empecipia la reunión, reuníus en lo salon de lo bar de La Borda, a las diez y meya de la nuei. Son presents los seis miembros eslexíus en la pasada asamblea cheneral de lo diya 23 de chulio, a saber: David Brun, Adrián Coarasa, Corina Gracián, Juan José Lagraba, Alberto Larripa y Luis Miguel Navasal.

1.- Se decide que la millor mena de triar los cargos de la chunta, ye anotar en un papelet un nombre cada uno, y que lo más votau siga nombrau president de l’asociación. Los demás cargos, por acuerdo mutuo, se dixan ta la preferencia, voluntá y disponibilidá de cada uno. Asinas, la nueva Chunta queda establida d’esta guisa:

PRESIDENT: David Brun Hernández
VICEPRESIDENT: Luis Miguel Navasal Irigoiti
SECRETARIO: Alberto Larripa Hernández
TRESORERO: Juan José Lagraba Miguel
VOCAL DE FESTEXOS: Adrián Coarasa Laplaza
VOCAL DE CULTURA Y DEPORTES: Corina Gracián Pierre

2.- Por unanimidá, se decide que la disposición de saldos bancarios se fará dando de alta las seis firmas, estando precisas, SIEMPRE, dos de las firmas. Lo que será trasladau ta las entidades Ibercaja y Multicaja, en do se mantienen fondos de l’asociación.

3.- Se remeran procedimientos emplegaus hasta de agora y se prexina bel otri, como fichas de control de arqueos, ficha de control de reunións/eventos, que faigan mas levadero lo control de los mismos, etc.

La vocal de cultura apeita con la responsabilidá de lo “departamento de compras”, control de almacén y relacións con proveedores.

4.- Se barallan diferents actuacións a corto y meyo plazo, que bi habrá que fer rodar con la chen intresada. Mentamos como exemplos:
-Cena d’hermandá (viernes 5 de agosto) con caldereta de cordero de plato fuerte;
-Posible excursión ta la playa en setiembre (Santander?, Peñíscola?, Hendaya/San Juan de Luz?; ya se triará lo puesto cuando bi haiga mas información)
-Festival fin de verano, con participación infantil (si bel grupo de pais/mais s’embrecan en levarlo ta deván), etc.

Se zarra la sesión t’allá las doce y meya de nuei y, pa que conste, devatamos l’acta en Siresa, a 27 de chulio de 2011