Noticiario - primavera 2009-

1. Se fa saber, a los que no i-soz por lo lugar que, lo zaguero fin de semana de San Chorche, pintemos "a vecinal" lo bar de La Borda.
   
   Li diemos un toque de color que contrastase una miqueta y ha quedáu muy políu.
   
   Tamién, se encargué una puerta nueva, pa lo trestallo de la cocina, pa que no dentre tanto setraño.
   
   Y, como parez que agún quedaban ganas de triballar, se tomeron mididas de lo suelo, pa mirar de itarli una capa de baldosa nueva en cuanti bi-haya ocasión.
   
   Por otri costáu, li se dié permiso a lo tresorero pa mercar una televisión nueva y un trastet de mosica que valese la pena. Ni curto ni perezoso, pa lo cabo semana siguién, lo primero de mayo, s'ha instaláu un "parato" de 42 pulgadas y otri de "home cinema" de 300 watios, por menos de 900 euros. Que los disfrutemos como se merecen.