EXPOSICIÓN JAVIER MARTÍ, ACUARELAS

Lo nuestro consocio, Javier Martí Ibarz, dende hoy 1 d'agosto, expone las suyas acuarelas en lo Pallar d'Agustin d'Echo, hasta lo diya 26.

Ya fa 4 añadas exponié una colección de chamineras y puertas de la Val d'Echo. Agora se torna solo con puertas, una colección de 45 acuarelas excepcionals.

Lo cartel que podetz viyer (uno de los cuatro que ha preparau), amuestra la puerta de Mingosancho, que ha dixau d'existir este mismo verano, que ya han espaldau la casa...

En honor a la calidat y la valura de lo triballo de Javier, lo Cantaire de Ciresa li ha adedicau lo siguient poema:
LA PUERTA
Veniemos, fa cuatro añadas,
con m’hirmana Chaminera,
enta esti mismo salón...
a que nos viese quiquiera,
y estiemos la sensación
de toda la Val entera...
Agora me torno... sola,
porque fumos ya non’n queda
...Y astí me i trobo, zarrada.
Si alcaso, por la gatera,
se notará si bi ha vida.
Plasmada en una acuarela...
De la mano de Javier,

que ye una mano certera

vos amostraré la historia

de las casas d’esta tierra...

Parar cuenta en los colors
que me fan estar mas viella...
Ixos ocres y azulinas
que vos amuestran las venas
tan xutas y carcomidas...
la viellez de la madera;
u la cal esportillada
que antis blanquiaba las peñas...

Vos do Fe de lo triballo

de piqueros, en las peñas

de l’arco de meyo punto,

acotraciau por dovelas;

fusteros u carpinteros
triballeron la madera
de los mons de la Val Chesa
y los ferreros metieron
cerrallas y picapuertas
y currons y claus... ¡qué pena
que haya que dondiar pa cutio
zarrada.. en esta acuarela!

Lo Cantaire de Ciresa

Juan José Lagraba, mayo 2012

No hay comentarios:

Publicar un comentario