SAN MARTIN


Viernes, 13 de noviembre, vispra de la celebración de San Martín, fiesta chiqueta d'Echo.

La chovenalla de la Val, anguniosa por celebrar antis con antis la fiesta de San Martín, se plantié fer una discomóvil espontania. Demanderon que lis ne dixasen fer en lo Trinquete, pero, mira por do, ixe local se'n yera metiendo "de gala" por parti de l'asociación que lo chestiona, la sociedad Peñaforca.

Lo caso ye que como no heban acabáu de pintar, lo sector choven de Ciresa, convoqué a los demás chovens de la val a fer la fiesta de vispras en "la Borda" de Ciresa.

La convocatoria estié todo un essito. La Borda se trasformé en "Discobar", aproveitando las zagueras innovacións de equipe se sonido (tampoco venié nada mal que bi-hese fuego en lo fogón, que la nuey yera fresqueta).

Muitos se remereron de lo bien que se pasaba en "la madre de l'agua" cuando se chestionaba como discobar.

Los chovens autueron de mena responsable, triballeron lo suyo (plegueron a estar 4 camareros pa atender lo bulicio) y dixeron todo replegáu y escobáu.

A Gonzalo li toqué pasar "cuatro aguas" con la fregona, de la mugre que s'heba apegáu entierra, pero diz que lo facié bien agusto.

Conclusión: todos contentos. Y no se descarta que la chovenalla torne a demandarnos lo local pa fer fiestas de "discobar" (Siempre que no fagamos competencia desleyal a los profesionals de la Val...).

Aguardamos que nos pasez bel video de ixa nuey, y lo adibiremos ta esta dentrada de bloc.

No hay comentarios:

Publicar un comentario